Ny 1 septambra ho avy izao no tokony hihazo an’i Maroc sy Algérie i Fikasana sy Finoana sy Fikasana Rakotomalala izay hiaro ny voninahitr’i Madagasikara eo amin’ny taranja tenisy. Tsy mbola misy tokotaniny anefa ny fiaingan’izy ireo satria tsy ampy ny vola eo am-pelatanan’ireo ray aman-dreniny. Mianto-tena mantsy ireto mpilalao ireto ary tsy misy manampy ka manao antso avo amin’ny federasiona, ny ministera na ny fanjakana.
Efa in’enina izy mianadahy ireto no nivoaka tany ivelany nitondra ny anaran’i Madagasikara saingy mianto-tena hatrany. Mahatratra hatramin’ny 20 tapitrisa ariary vola ilain’i Finoana sy Fitahiana ka ao anatin’izany ny saran-dalana, ny fivahinianana ary ny fitaovana isan-karazany. Ny Championnat d’Afrique continental U12 sy U14 no handraisan’izy mianadahy ireto anjara.
Izay malala-tanana dia afaka mifandray mivantana amin’andriamatoa Rija Rivoniaina Rakotomalala, rain’i Finoana sy Fikasana amin’ny laharana 034 29 442 02.
